Azərbaycanda payız yaxınlaşdıqca məhsul yığımının başlaması səbəbindən ölkədə bir sıra meyvə və çərəzlərin qiymətlərində ucuzlaşma müşahidə edilib.
Avqustda iyulla müqayisədə ən çox ucuzlaşan yerli məhsul armuddur. Armudun 1 kq üçün qiyməti 2.06 manat olub. Bu da son ayda 10% ucuzlaşma deməkdir. Bu barədə Banker.az AzStatKom-a istinadən xəbər verir.
Lakin, ucuzlaşma eləcə də əsasən Yerin cənub yarımkürəsində yetişdirilən banana da şamil edilib. Xaricdən idxal edilən bu məhsulun qiyməti 2.01 manat/kq olub ki, bu da öz növbəsində son ayda 4% qiymətin enməsidir. Bu isə indiyə qədər Azərbaycanda müşahidə edilən ən aşağı qiymətdir. 2017-2019-cu il arasında bananın qiyməti 2.30-3.00 manat/kq arasında dəyişib.
Qeyd edək ki, Banker.az-ın fevral ayı ilə bağlı apardığı araşdırmada Azərbaycana idxal olunan bananın bir kiloqramı üçün 0.71 dollar və ya 1.21 manatlıq xərc çəkildiyini yazmışdı.
