Argentina Mərkəzi Bankı uçot faiz dərəcəsini 97%-dən 118%-ə qaldırıb, Banker.az bu barədə xarici mediaya istinadən xəbər verir. Tənzimləyici vurğulayır ki, prezident seçkilərinin ilkin nəticəsi ölkəni və bazarları şoka saldıqdan sonra milli valyuta bir dollar üçün 350 pesoya qədər devalvasiyaya uğrayacaq.
Rəsmi peso məzənnəsi bazar ertəsi günü təxminən 18% ucuzlaşaraq dollara nisbətdə 350 pesodan bir qədər çox olub. Bildirilir ki, ümummilli prezident seçkiləri günü olan oktyabrın 22-nə qədər məzənnə bu səviyyədə saxlanılacaq.
