BANKER.AZ — ABŞ dolları çərşənbə axşamı Avropa ticarətində yeni 20 ilin ən yüksək səviyyəsinə qalxdı, avronun məzənnəsi qlobal artım narahatlıqları, Avropanın enerji ilə bağlı narahatlıqları və Federal Ehtiyat Sisteminin daha aqressiv faiz artımı gözləntiləri ilə paritetə yaxınlaşdı.
Altı rəqib valyuta səbəti qarşısında dolların məzənnəsini izləyən indeks (DXY), 0.4% artaraq 108,225-ə qədər ticarət edilib və daha əvvəl 108,47-yə yüksəlib, 2002-ci ilin oktyabrından bu tərəfə ən yüksək göstəricidir.
Dollar bu il bahalaşıb. Səbəb budur ki, ABŞ mərkəzi bankı olan Federal Ehtiyat Sistemi tüğyan edən inflyasiyanın qarşısını almaq üçün monetar siyasətini sərtləşdirən ən aqressiv mərkəzi banklardan biri olduğunu sübut edib.
FED iyun ayında faiz dərəcələrini 75 baza bəndi artırdı ki, bu da 1994-cü ildən bəri ən böyük dərəcə artımıdır və çərşənbə günü inflyasiya iyun ayında illik bazda 8.8%-ə yüksələcəyi gözlənilir ki, bu da başqa bir ciddi artıma işarə edir.
Növbəti gün də EUR/USD 0.2% azalaraq 1.0021 səviyyəsinə enərək 2002-ci ilin dekabrından bəri ən aşağı məzənnəyə düşüb.
Rusiya qazını Almaniyaya daşıyan ən böyük tək boru kəməri olan “Şimal Axını 1” boru kəməri bazar ertəsi illik texniki xidmətə başlayıb və nəqlin 10 gün ərzində dayanacağı gözlənilir, bu da Avropanın vahid valyutasını narahatlıqlara məruz qoyur.
Fransanın maliyyə naziri Bruno Le Maire bazar ertəsi bildirib ki, Avropa artıq Rusiyanın qaz nəqlini tam dayandırmasına hazırlaşmalıdır, bir çoxları Rusiyanın bu fürsətdən istifadə edərək ixracını dayandıra və ya əhəmiyyətli dərəcədə azalda biləcəyindən ehtiyat edir. İndi bunun dayandırılması Avropanın ən iri iqtisadiyyatı üçün nə qədər dağıdıcı təsir edə bilməsini təsəvvür etmək elə də çətin deyil.
Gözlər Almaniyanın ZEW iqtisadi əhval-ruhiyyə indeksinin iyul ayı sessiyasında daha sonra nəşrə yönəldiləcək, Avropanın aparıcı iqtisadiyyatında artım yavaşladığı üçün əhəmiyyətli dərəcədə zəifləməsi gözlənilir.
Yaponiya Mərkəzi Bankının Bankının sədri Haruhiko Kuroda ölkənin problemli iqtisadiyyatını gücləndirmək üçün yumşaq (ultra yumşaq da demək olar) monetar siyasəti mövqeyini saxlayacağına investorları əmin etməsindən sonra USD/JPY bazar ertəsi günü 137.75 səviyyəsinə çataraq 24 ilin ən yüksək səviyyəsinə çatdıqdan sonra 137.38 səviyyəsinə enib.
GBP/USD 0.2% azalaraq 1.1865 səviyyəsinə enərək, hakim Mühafizəkarlar partiyasının növbəti liderini və baş nazirini təyin etməyə cəhd etməsi nəticəsində 1.1847 səviyyəsində iki illik minimuma enib. Bu gün İngiltərə Mərkəzi Bankının sədrinin çıxış edəcəyi gözlənilir.
Riske həssas olan AUD/USD (avstralliya dolları), bazar ertəsi əldə edilən iki illik minimumdan bir qədər yuxarı 0.6729-a qədər azaldı. Bildiyiniz kimi, AUD daha buğda, qızıl və s. Kimi əmtəələrin qiymətləri ilə hərəkət edir. Dolların bahalaşması isə bu əmtəələri ucuzlaşdırır ki, bu da AUD üçün ayı bazarı effekti verir. USD/CNY isə 0.2% artaraq 6.7304-ə yüksəldi, yuan isə Çində yenilənmiş COVID epidemiyası ilə əlaqəlidir.
