Bu gün keçirilən hərraclar zamanı Avropada qazın 1 000 kubmetrinin qiyməti 2021-ci ilin avqustun 23-dən ilk dəfə olaraq 500 ABŞ dollarından aşağı enib.
Banker.az xəbər verir ki, 2 mart tarixində aprel fyuçerslərinin qiyməti TTF (Niderlandın “Title Transfer Facility”i – Avropanın ən likvid virtual satış mərkəzi) indeksi üzrə 497.3 dollar təşkil edib, bu da öncəki hesablama qiyməti (513.1 dollar) ilə müqayisədə 3.1% azdır.
Xatırladaq ki, ötən ilin 7 mart tarixində gün ərzində Avropada qazın qiyməti bir neçə dəfə rekord vuraraq maksimum 3 900 dollaradək yüksəlib.
