5 C
Baku
Bazar ertəsi, Yanvar 24, 2022

Avrozonada inflyasiya 25 illik maksimuma çatıb

Noyabrda Avropa zonasında illik inflyasiya 4.9% təşkil edib. “CNBC”yə görə, bu, 25 il ərzində maksimum göstəricidir.

Banker.az xəbər verir ki, “Bloomberg” bunu vahid valyutanın dövriyyəyə buraxılmasından bəri rekord adlandırır. Xatırladaq ki, avro 1999-cu ildə nağdsız dövriyyəyə buraxılıb, 2002-ci ildə nağd pul kimi istifadə olunmağa başlayıb.

Oktyabrda Avropa zonasında illik ifadədə inflyasiya 4.1% təşkil edib – bu, son 13 ilin maksimumudur.

Avropada qiymət artımının əsas drayveri enerji daşıyıcılarıdır. Bundan əlavə, xidmətlər (oktyabrda 2.1%-ə qarşı 2.7%), sənaye malları (oktyabrda 2%-ə qarşı 2.4%), o cümlədən ərzaq, alkoqol və tütün (oktyabrda 1.9%-ə qarşı 2,2%) bahalaşıb.

Noyabrda inflyasiya liderləri Litva (9.3%), Estoniya (8.4%), Latviya (7.4%) və Belçika (7.1%) olub. Bu ay ən aşağı qiymət artımı Malta (2.3%), Portuqaliya (2.7%), həmçinin Fransa və Finlandiyada (hər biri 3.4%) qeydə alınıb.

Qeyd edək ki, Avrozonaya Belçika, Almaniya, Estoniya, İrlandiya, Yunanıstan, İspaniya, Fransa, İtaliya, Kipr, Latviya, Litva, Lüksemburq, Malta, Hollandiya, Avstriya, Portuqaliya, Sloveniya, Slovakiya və Finlandiya daxildir.

Son xəbərlər
Oxşar xəbərlər