“AXA” sığorta qrupu Azərbaycanın həyat sığorta bazarındakı imkanları araşdırır və bu sahəyə investisiya etmək üçün münasib vaxtı gözləyir. Bunu açıqlamasında “AXA-Mbask” sığorta şirkətinin İdarə Heyətinin sədri Səlcuq Adıgözəl deyib.
Onun sözlərinə görə, təmsil etdiyi qrup Azərbaycanda həyat sığortasını inkişaf edən bazar kimi görür və bu sahəyə pul qoymaq niyyətindədir: “Həyat sığortasına investisiya yatırmağı düşünürük. Lakin bunun üçün maliyyə bazarındakı alətlər tənzimlənməli, alternativ variantlar ortaya çıxmalıdır. Biz ən azı 1-2 il öncədən vəziyyəti görə bilməliyik. Başqa elə bir problem yoxdur. Hər zaman bu bazara investisiya etməyə hazırıq”.
Xatıqladaq ki, “AXA-Mbask” 1992-ci ildə yaradılıb. Şirkətin nizamnamə kapitalı 19,734 mln. manatdır. Səhmlər 100% Fransanın “AXA” sığorta qrupuna (“AXA Seguros Generales, S.A.”) məxsusdur.
Report
