Azərbaycan Mərkəzi Bankı “Bakı Kart” və ya “K Group” MMC-nin vəzifəli şəxsinin inzibati məsuliyyətə cəlb edib.
Banker.az xəbər verir ki, bu barədə AMB məlumat yayıb.
Belə ki, tənzimləyici tərəfindən 02.06.2025 – 03.07.2025-ci il tarixlərində “K Group” MMC-də keçirilən yerində yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin bir sıra tələblərinin pozulması faktlarının aşkarlanması ilə əlaqədar olaraq, “K Group” MMC-nin vəzifəli şəxsi Azərbaycan Respublikasının İnzibati Xətalar Məcəlləsinin 598.1.1 və 598.1.2-ci maddələrinə əsasən 4 000 manat məbləğində cərimə edilib.
Xatırladaq ki, Azərbaycan paytaxtının ictimai nəqliyyatında istifadə olunan “Bakı Kart”ın operatoru – “K Group” MMC 2014-cü ildə yaradılıb.
Şirkətdən Banker.az verilən məlumata görə, xəbərdə qeyd olunan məsələ cari dövrə aid deyil və “K Group” MMC-nin əvvəlki fəaliyyət dövrü ilə bağlıdır. Həmin məsələ üzrə inzibati tədbir artıq tətbiq olunub. Həmçinin, sözügedən vəzifəli şəxs hazırda şirkətin əməkdaşı deyil.
