Rusiyada qazlaşdırmanın səviyyəsi 70%-dən çoxdur, qonşu şimal ölkələrində isə bu göstərici 3% təşkil edir.
Bunu Rusiya baş nazirinin müavini Aleksandr Novak bildirib.
“Hətta 20 il əvvəl ölkədə qazlaşdırmanın səviyyəsi 53% idisə, bu gün biz 73% səviyyəsinə çatmışıq və prezident 2030-cu ildə 83% səviyyəsinə çatmaq vəzifəsini qoyub, bu, maksimum həddir”, – Aleksand Novak qeyd edib.
Onun sözlərinə görə, böyük Avropa ölkələrində qazlaşdırma daha aşağı səviyyədədir, məsələn, Almaniyada – 47%, Fransada – 38%, İspaniyada – 32%.
“Bilirsiniz, hətta Norveç, İsveç kimi şimal ölkələri ilə də müqayisə etmək olar, orada qazlaşma 3% təşkil edir”, – baş nazirin müavini vurğulayıb.
Onu da əlavə etmək lazımdır ki, Azərbaycanda qazlaşma səviyyəsi 96.3% təşkil edir, beləliklə də ölkəmiz bu göstərici üzrə Rusiyanı 23.3 faiz bəndi qabaqlayır.
