2023-cü ilin birinci rübünün sonuna Azərbaycan Respublikası ərazisində haqqı ödənilən əmək fəaliyyəti ilə məşğul olmaq üçün verilmiş və müddəti uzadılmış iş icazələrindən qüvvədə olanlara malik olan əcnəbilərin və vətəndaşlığı olmayan şəxslərin sayı 2 813 nəfər olub.
Bu barədə Banker.az-a Dövlət Statistika Komitəsindən bilirilir.
Bu da 2022-ci ilin müvafiq dövründən 41 faiz çoxdur. Həmin müddətdə Azərbaycana 1 998 nəfər əcnəbi iş üçün müraciət etmişdi.
Onlardan 43.1 faizi tikintidə, 10.2 faizi emal sənayesində, 8.4 faizi mədənçıxarma sənayesində, 7.4 faizi turistlərin yerləşdirilməsi və ictimai iaşə, 5.5 faizi informasiya və rabitə, 5.4 faizi ticarət; nəqliyyat vasitələrinin təmiri və 20.0 faizi digər sahələrdə məşğul olmaq üçün iş icazələrinə malik olub.
