Bu ilin oktyabr ayında qeyri neft-qaz məhsulları üzrə ən çox mal Rusiyaya (64.7 milyon ABŞ dolları), Türkiyəyə (33.5 milyon ABŞ dolları), İsveçrəyə (10.7 milyon ABŞ dolları), Gürcüstana (9.5 milyon ABŞ dolları) və ABŞ-a (5.4 milyon ABŞ dolları) ixrac edilib.
Banker.az xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2020-ci ilin noyabr sayında bildirilir.
Bu ilin yanvar-oktyabr ayında isə qeyri-neft sektoru üzrə 5 əsas ixrac ölkəsi Rusiya (550.6 milyon ABŞ dolları), Türkiyə (285.5 milyon ABŞ dolları), İsveçrə (176 milyon ABŞ dolları), Gürcüstan (109.1 milyon ABŞ dolları), Çindir (34.7 milyon ABŞ dolları)
