Azərbaycanın ticarət balansında 2022-ci ilin ilk yarısında 12.12 milyard ABŞ dolları dəyərində müsbət saldo yaranıb.
Bunu Banker.az Dövlət Gömrük Komitəsinə istinadla xəbər verir.
Qeyd edilir ki, 2022-ci ilin yanvar-iyun ayları ərzində xaricə 18 milyard 479.2 milyon dollar ixrac edildiyi halda, 6 milyard 357 milyon dollar idxal edilib.
Ümumi ticarət dövriyyəsi isə 24 milyard 836.19 milyon dollar olub.
İxracın bu qədər kəskin artmasına səbəb xam neft ixracının ilk yarıda 9 milyard 361 milyon dollar ölkəyə gətirməsidir ki, bu da ixracın ümuminin 50.66% təşkil etməsi deməkdir. İkinci ən böyük artım qaz ixracı il bağlıdır.
Azərbaycandan xaricə 7.44 mlrd. dollar həcmində qaz ixrac edilib, bu da ümumi ixracın 40.2%-dir.
