2023-cü ilin yanvar-oktyabr aylarında Azərbaycanın xarici ticarət dövriyyəsi 43 milyard 520.18 milyon dollara bərabər olub.
Banker.az bu barədə Dövlət Gömrük Komitəsinə istinadən bildirir.
Bu dillik müqayisədə 6% azdır.
Son bir ildə ölkə üzrə ixrac 15.5% azalaraq 29 milyard 345 milyon ABŞ dolları təşkil edib. İdxal 22.3% artaraq 14 milyard 174 milyon ABŞ dollarına yüksəlib.
Xarici ticarət dövriyyəsinə 15 milyard 171 milyon dollarlıq müsbət saldo yaransa da, bu, ötən ilin eyni dövrünə nisbətən 34.3% az olub.
