“Bank of Baku” ASC-nin xanım direktorlarından biri vəzifəsindən ayrıldığını açıqladı.
Vəzifəsindən ayrılan bankın İctimai əlaqələr və marketinq departamentinin direktoru Gülşən Cumayevadır.
“6 il 3 ay 10 gün öncə başlayan həyat kitabımın “Bank of Baku” adlı bölümünü bu gündən etibarən rəsmi olaraq sonlandırıram”- deyə, G.Cumayeva deyib.
O, 2015-ci ilin oktyabrında “Bank of Baku”nun Media əlaqələri şöbəsinə müdir kimi gəlmişdi. 2016-cı ilin sentyabrından İctimai əlaqələr şöbəsinə müdir, 2017-ci ilin mayından isə yuxarıda qeyd edilən departamentin direktoru vəzifəsinə təyin edilmişdi.
“Devalvasiyalar sonrası yaranan çətinliklərin fonunda çalışmaq nə qədər çətin idisə, bir o qədər də zövqlü idi” – deyə, o öz sosial hesabında açıqlayıb.
Gülşən Cumayeva həmçinin “Rabitəbank” ASC və “FINCA Azərbaycan BOKT” MMM-də müxtəlif vəzifələrdə çalışıb.
