2021-ci ilin 9 ayında manatın xarici valyutalara qarşı məzənnəsi valyuta bazarında tələb-təklif nisbətinə uyğun olaraq formalaşmışdır. Dövr ərzində tədiyə balansının yaxşılaşması
valyuta bazarında təklifi və beləliklə də qiymət sabitliyinin başlıca lövbərini – məzənnə sabitliyini dəstəkləmişdir.
Banklar tərəfindən nağd xarici valyutanın alqı-satqısı üzrə aparılmış əməliyyatların həcmi ötən ilin müvafiq dövrünə nəzərən 35.4% azalaraq 2.7 mlrd. ABŞ dolları ekvivalentində
olmuşdur.
Bunun 85.2%-ni ABŞ dolları ilə aparılmış əməliyyatlar təşkil etmişdir. Nağd valyuta bazarında son 6 ayda bankların valyuta alışı satışları üstələmişdir.
