“Bitcoin”in məzənnəsi 11 mart tarixində Bakı vaxtı ilə saat 11:10-da 70 min dolları keçib, Banker.az bu barədə xarici mediaya istinadən xəbər verir. Beləliklə, dünyanın ən populyar kriptovalyutası tarixi maksimumu yeniləyib.
Son 30 gündə “Bitcoin” 50%-dən çox bahalaşıb və onun kapitallaşması 1.38 trilyon dolları ötüb. Kriptovalyutanın məzənnəsi ABŞ Qiymətli Kağızlar və Birja Komissiyası tərəfindən yanvar ayında qəbul edilmiş tənzimləyici relaksasiya fonunda artır: o, bitkoin üçün ölkənin ilk birja fondlarını (ETF) təsdiqləyib. İlin əvvəlindən “Bitcoin” ən azı 40% dəyər qazanıb.
