Beynəlxalq Valyuta Fondu (BVF) Ukraynanın 2024-cü ildə xarici maliyyə ehtiyaclarını təqribən 42 milyard dollar səviyyəsində qiymətləndirib, bu barədə BVF-nin Kommunikasiyalar Departamentinin direktoru Julie Kozak bildirib.
O, izah edib ki, bu məbləğə ABŞ və G7-nin digər üzvləri, eləcə də beynəlxalq maliyyə institutlarının yardımı daxildir. Onun sözlərinə görə, Ukraynanın “ölkəni fiskal və xarici sabitlik yoluna qaytarmaq üçün” maliyyəyə ehtiyacı var.
Ukrayna Maliyyə Nazirliyinin rəhbəri Sergey Marçenko bildirib ki, müttəfiqlərin köməyi olmadan ölkəni 29 milyard dollarlıq büdcədə boşluq gözləyir. Baş nazir Denis Şmıqala görə, Ukrayna Avropadan 30 milyard dollardan çox vəsait almağa ümid edir. O hesab edir ki, bu, dövlət büdcəsinin kəsirinin örtülməsinə kömək edəcək.
