Generativ neyron şəbəkənin, “ChatGPT”nin tərtibatçısı “OpenAI” şirkəti aprel ayında Tokioda nümayəndəlik açmağı planlaşdırır ki, bu da şirkət üçün Asiyada ilk olacaq. Bu barədə “Nikkei Asia” yazır.
Onun sözlərinə görə, “OpenAI”nin Asiya ofisinin əməkdaşları süni intellektdən kommersiya məqsədləri üçün istifadə etməkdə maraqlı olan yerli şirkətlərə ixtisaslaşmış xidmətlər təklif edəcəklər. Bundan əlavə, Yaponiyada nümayəndəliyin açılması amerikalı tərtibatçıya süni intellektdən istifadə qaydalarının işlənib hazırlanmasında iştirak etməyə imkan verəcək, hesabatda deyilir.
“ChatGPT” – istifadəçi ilə dialoq saxlaya və müxtəlif formatlarda mənalı mətnlər yarada bilən süni intellektə malik kompüter proqramıdır. Bundan əlavə, “ChatGPT” riyazi məsələləri həll edə, bir xarici dildən digərinə tərcümə edə və hətta mobil proqramlar üçün proqram kodu yaza bilər. 2023-cü ilin yanvarında Amerika texnologiya nəhəngi “Microsoft”, “ChatGPT”ni yaradan “OpenAI” süni intellekt laboratoriyasına milyardlarla dollar sərmayə qoymaq niyyətini açıqlayıb.
