Çinin “Zhuque-2” (ZQ-2) adlı kommersiya məqsədli kosmik raketinin eksperimental buraxılışı mühərriklərdən birindəki nasazlıq səbəbindən uğursuzluqla nəticələnib.
Bu barədə “LandSpace” özəl kosmik şirkəti məlumat yayıb.
Bildirilib ki, ikinci mərhələ mühərrikində nasazlıq yaranıb: “Hadisənin təfərrüatları araşdırılır”.
Diametri 3,35 metr olan “ZQ-2” kosmik raketinin uzunluğu 49,5 metrə çatır və çəkisi 216 tondur. O, 4 ton ağırlığında faydalı yükü günəş sinxron orbitinə və 6 tonluq yükü isə aşağı Yer orbitinə çatdırma potensialına malikdir. Gələcəkdə “LandSpace” hər il bu raketlərdən 15-ə qədər istehsal etməyi planlaşdırır.
