Yəqin hər kəs razılaşar ki, “pulsuz” “ödənişsiz” və s. bu qəbildən olan ifadələr uğurlu marketinq vasitəsidir və müştərilərin marağına səbəb olur. Bu tip promo layihələr adətən bazarda yeni məhsulların və ya istifadə müddəti ərzində istehsalçıya daima gəlir gətirən məhsulların marketinqi zamanı tətbiq edilir. Bu tip kampaniyalar və layihələr Bank sektorunda da kifayət qədər geniş istifadə edilir. “Komissiyasız kredit”, “Pulsuz Plastik kart” və s. ifadələri tez –tez KİV-lərdə eşdirik.

Monitorinq qrupumuzun bugünkü araşdırma mövzusu Debet Kartlar haqqındadır, o debet kartlar ki, istifadəçi onu əldə zaman Banka heç bir əlavə komissiya, xidmət haqqı və s. ödəmir. Aydındır ki, banklar bu kartlara müəyyən qədər vəsait xərcləyirlər və bu kartları elə müştərilərə pulsuz vermək istəyirlər ki, həmin kartlar istifadə edilsin. Çünki kartlardan istifadə zamanı bank bir çox fərqli gəlirlər əldə edir. Bu gəlirlərə komissiya, konvertasiya, ekvayrinq gəlirləri və s. aid etmək olar.

Yuxarıda bir məqamı qeyd etdik ki, banklar bu kartları yalnız kartdan istifadə edəcək və real ehtiyacı olan insanlara pulsuz vermək istəyir və bunun üçün də müəyyən şərtlər qoyur.  Bu şərtlərdən ən geniş yayılanı “kart hesabına ilkin mədaxil” tələbidir. Yəni, Bank müştərisinə bildirir ki, əgər sən mənim kartımı pulsuz əldə etmək istəyirsənsə əlini cibinə sal, kart hesabına müəyyən qədər vəsait yerləşdir və mən də əmin olum ki, sən bu kartdan istifadə edəcəksən☺. Sözü uzatmadan araşdırma nəticələri ilə Sizləri tanış etmək istərdik. Aşağıdakı cədvəldə Banklar, Debet Kartlar, Kartların qiyməti və Kartları pulsuz əldə etmək üçün tələb edilən ilkin mədaxil qiymətləri qeyd edilmişdir.