Dövlət Sosial Müdafiə Fondunun (DSMF) büdcəsindən əhaliyə 3 mlrd. manatdan çox ödəniş edilib
DSMF-dən Banker.az-a verilən məlumata görə, 2022-ci ilin yanvar-iyul aylarında Dövlət Sosial Müdafiə Fondunun (DSMF) gəlirləri proqnozla müqayisədə 1.4% və ya 46 mln. manat çox olmaqla 3 mlrd. 287 mln. manat təşkil edib.
Yanvar-iyul aylarında sosial sığorta daxilolmalarında 1.7% və ya 44 mln. manat artım baş verib, ümumilikdə 2 mlrd. 609 mln. manat sığorta yığımı həyata keçirilib.
Fondun xərcləri isə ötən ilin müvafiq dövrü ilə müqayisədə 6.3 faiz və ya 182 mln. manat artaraq 3 mlrd. 53 mln. manat olub.
