Bank zəmanəti – üçüncü tərəf öz öhdəliklərini yerinə yetirmədiyi təqdirdə, bankın müqavilə, kredit və ya borc təminatına görə digər banka, şirkətə və ya başqa kiməsə ödəmə barədə verdiyi yazılı vəddir. Zəmanət verən tərəfə qarant, zəmanət verilən tərəfə prinsipial, zəmanət alan şəxsə isə benefisiar deyilir.

Bank zəmanətləri müxtəlif ola bilər və müştərinin ehtiyaclarından asılı olaraq dəyişir. Məsələn, bank ödəniş, avans və kontraktın lazımi qaydada icrasına zəmanət verə bilər. Eyni zamanda təklif zəmanətləri, tender zəmanəti, gömrük zəmanəti və s. mövcuddur.

 Kredit təşkilatlarının zəmanətləri beynəlxalq ticarət praktikasında geniş istifadə olunur. Bank zəmanətləri, başqa qayda nəzərdə tutulmadığı təqdirdə, zəmanət verən bankın yerləşdiyi ölkənin qanunlarına uyğun olaraq verilir.

Lakin bu gün bank zəmanətləri ölkə daxilindəki əməliyyatlarda da istifadə olunur. Əvvəla, bunlar gömrük ödənişlərinin ödənilməsini təmin etmək üçün gömrük təminatları, dövlət sifarişləri üçün tenderlərdə iştirak edərkən tender zəmanətləridir.

Təcrübəyə görə, zəmanət vermək üçün bank, bir qayda olaraq, müştəridən əmlak (mallar, danışmaz əmlak, nəqliyyat vasitələri, yüksək likvid kağızlar, zəmanət verən bankın vekselləri), hüquq girov hüquqları və ya təminat əmanəti qoymağı tələb edir. Komissiya əməliyyatın müddəti və məbləğindən asılı olaraq 1-2% təşkil edir.