KPI (Key Performance Indicators) nədir?

KPI (Key Performance Indicators) – təşkilatın əsas fəaliyyət göstəriciləridir. Onların şirkət üçün faydası:

– iş prosesinə nəzarət edir, bu və ya digər vəzifənin yerinə yetirilməsinə nə qədər vaxt və resurs sərf olunduğunu müəyyənləşdirir;

– işçilərin işinin səmərəliliyini və faydasını, onun şirkətin ümumi məqsədə çatmasına verdiyi töhfəni qiymətləndirir;

– işçilər üçün həvəsləndirmə və təşviq sistemini yaradır, məsələn, müəyyən edilmiş əsas göstəriciləri yerinə yetirərkən və ya üstələdikdə, maaşdan əlavə bonusların ödənilməsi;

Şirkət fəaliyyət göstəricilərini özü müəyyən etsə də, bir tələbin ödənilməsi şərtdir – KPI biznesin strateji məqsədləri ilə əlaqəli olmalıdır.
KPI sistemi üzərində iş aşağıdakı kimi qurulur. Şirkət bütün struktur bölmələri və işçiləri üçün aydın məqsədlər və son tarixləri təyin edir. İşin sonunda, hər bir işçi və şöbə üçün KPI təyin edilir.

Şəxsi KPI-lərin bütün şöbənin fəaliyyəti ilə əlaqəli olduğunu qeyd etmək lazımdır. Əgər şöbə şirkətin təyin etdiyi göstəricilərə çata bilməyibsə, bu məqsədə çatmış işçi də bonuslardan məhrum olunur.