“Marketplace” – fərqli istehsalçılardan, tədarükçülərdən və markalardan məhsullar satan onlayn platformadır. Belə vəziyyətdə “marketplace” mal satıcısı ilə alıcı arasında vasitəçidir.

Daha sadə desək, “marketplace” fərqli satıcıların bir yerə toplaşdığı, insanların “gəzərək” ehtiyac duyduğu hər şeyi – paltardan yeməyə qədər – seçdiyi bazarla müqayisə edilə bilər.
İndi tədarükçü öz onlayn mağazasını yaratmaq məcburiyyətində deyil – bunu “marketplace” edir. Belə platformalar həm iki, həm də üçtərəfli olurlar, məsələn, restoran, kuryer və istifadəçiləri birləşdirirlər.

İstifadə səhvləri

“Marketplace” çox vaxt aqreqator ilə qarışdırılır. Əsas fərq ondadır ki, onlar mal satmırlar, yalnız məlumatlandırırlar. Alış-veriş etmək üçün tədarükçünün onlayn mağazasına keçmək lazımdır. “Marketplace” isə məhsulları öz veb-saytında və ya tətbiqində satır.

Fakt

İngilis dilindən “marketplace” sözü “bazar meydanı”, “bazar üçün yer” kimi tərcümə olunur. İlk “marketplace” platforması “Amazon” sayılır. Bu gün o, dünyanın ən böyük bazarlarından biridir.

Nüanslar

“Marketplace”də təqdim olunan dörd əsas xidmət səviyyəsi var:

– mallar yerləşdirir və sifarişləri qəbul edir (vitrin);

– ödənişləri qəbul edir, çeklər verir;

– çatdırılmanı təşkil edir;

– malları anbarında saxlayır və qablaşdırır (fulfillment).

“Marketplace”in iş modelini başa düşmək üçün müqaviləni oxumaq lazımdır. O, satıcının seçimindən asılı olaraq müxtəlif xidmətlərin kombinasiyasını təqdim edə bilər.