Private placement (“özəl yerləşdirmə”) – qiymətli kağızların əvvəlcədən müəyyən edilmiş investorlar arasına yerləşdirilməsi. “Private placement” zamanı istəyən hər bir kəsə səhm və ya istiqraz almaq təklifi verilmir.

Qiymətli kağızların bu cür buraxılışını təşkil etmək daha asandır – hüquqi çətinliklər azdır, marketinq xərcləri tələb etmir, ucuz başa gəlir. Bundan əlavə, maliyyə və biznes məlumatlarını çox saylı insanlar, o cümlədən rəqiblər qarşısında  açıqlamaq lazım deyil. Adətən “private placement” zamanı daha az vəsait toplanır.