Finlandiya və İsveçi NATO-ya tam hüquqlu üzv kimi qəbul etməyin zamanı çatıb.
Bunu NATO Baş katibi Yens Stoltenberq NATO Parlament Assambleyasının Madriddə keçirilən 68-ci sessiyasında çıxışı zamanı deyib.
“Biz Madrid Sammitində Finlandiya və İsveçi NATO-ya üzv kimi dəvət edərək böyük iş gördük. Alyansın 30 üzvündən 28-i artıq üzvlük protokolunu təsdiqləyib. Türkiyə, Finlandiya və İsveç arasında üçtərəfli memorandum imzalandı və bu memoranduma uyğun olaraq, bu ölkələr öz öhdəliklərini yerinə yetirib”, – NATO Baş katibi vurğulayıb.
O qeyd edib ki, iki ölkənin üzvlüyü Alyansın güclənməsinə və Avropanın təhlükəsizliyinə töhfə verəcək.
