“Goldman Sachs” investisiya bankının analitikləri hesab edirlər ki, bitkoin qarşıdakı 5 il ərzində 100 min dollara qədər bahalaşa bilər.
Banker.az xəbər verir ki, bankın ekspertlərinin sözlərinə görə, ilk kriptovalyuta hazırda bitkoindən və qızıldan ibarət əmanət vasitələri bazarında 20% paya malikdir.
Analitiklərin proqnozuna görə, yaxın illərdə kriptovalyuta əmanət fondları bazarında öz payını 50%-ə qədər artıra bilər. Bu halda əsas rəqəmsal aktivin dəyəri 100 min dolları keçəcək. Bank həmçinin institusional investorların kriptovalyutanın ətraf mühitə təsiri ilə bağlı qorxularına baxmayaraq, bitkoin məzənnəsinin artmağa davam edəcəyinə əminliyini ifadə edib.
Sentyabr ayında “Bloomberg”in əmtəə üzrə baş strateqi Mayk Makqlon bitkoinin məzənnəsinin 100 min dollara yüksəlməsindən danışmışdı. Analitik iddia edirdi ki, ilk kriptovalyutanın qiyməti 2021-ci ilin sonuna qədər bu səviyyəyə yüksələcək.
Yanvarın 5-də bitkoin 46,5 min dollara satılır. “CoinGecko”nun məlumatına görə, həftə ərzində kriptovalyuta 2% ucuzlaşıb, kapitallaşması isə 881 milyard dollara qədər azalıb. Dekabrın 4-də bir gündə bir aktivin qiyməti 20%-dən çox azalaraq 42 min dollara düşüb. Noyabrın 10-da Bitcoin 69 min dollardan yuxarı tarixi maksimumunu yeniləyib.
