“Goldman Sachs” 2023-cü ildə Çinin real ÜDM artımı ilə bağlı proqnozunu 6%-dən 5.4%-ə, 2024-cü ildə isə 4.6%-dən 4.5%-ə endirib, Banker.az bu barədə Forbes-ə istinadən xəbər verir.
Çin Xalq Bankıiyunun 20-də kreditlər üzrə baza faiz dərəcələrini azalda bilər. Agentliyin mənbəsi bildirib ki, Pekin 2023-cü ildə yavaşlayan iqtisadiyyatı dəstəkləmək üçün əlavə tədbirlər görəcək, lakin borc və kapital axını ilə bağlı narahatlıqlar səbəbindən istehlakçı və özəl sektorlarda zəif tələbin gücləndirilməsinə yönəlmiş tədbirləri davam etdirəcək.
“CMC Markets”in analitiki Tina Teng bildirib ki, Çində iqtisadi qeyri-müəyyənlik Mərkəzi Bankın qərarı ərəfəsində bazarda iki günlük bərpadan sonra neft satışlarının artmasına səbəb ola bilər.
Daha əvvəl Beynəlxalq Enerji Agentliyinin (IEA) icraçı direktoru Fatih Birol bildirmişdi ki, Çin iqtisadiyyatı hazırda dünya neft qiymətləri üçün OPEC+ ölkələrinin neft hasilatını azaltmasından daha vacib amildir.
