“Göyçay Şərab” Açıq Səhmdar Cəmiyyəti 2025-ci ili 3 milyon 297 min manat xalis mənfəətlə başa vurub. 2024-cü ildə şirkətin mənfəəti 5 milyon 421 min manat olub ki, bu da illik müqayisədə mənfəətin 39.2% azalması deməkdir.
Banker.az bu barədə ASC-nin maliyyə hesabatına istinadən xəbər verir.
2024-cü ildə şirkətin əsas əməliyyat gəlirləri 15 milyon 604 min manat ikən, 2025-ci ildə 9 milyon 259 min manat təşkil edib. (41% azalma)
Hesabat dövründə “Göyçay Şərab” ASC-nin cəmi aktivləri 16 milyon 807 min manat təşkil edib ki, bu da əvvəlki ilə nisbətən 20% azalmadır.
Xatırladaq ki, zavodun ümumi 3,5 hektar olan ərazi sahəsində 24 ədəd 50 tonluq çənlər mövcuddur. Ukrayna istehsalı olan, dəqiqliyi və effektivliyi ilə fəqlənən bir dəst 1500 dekalitr tutumlu spirt aparatından istifadə edilir. Həmçinin, məhsullarıın keyfiyyətini artırmaq üçün İspaniyada istehsal olunmuş bir dəst 1500 dekalitr tutumlu konyak aparatı da mövcuddur.
