Əmanətçilər Bank seçimi edən zaman, bankın dayanıqlılığı, gəlirlilik faizi, əmanətin müddəti və artım imkanları ilə yanaşı faizlərin ödənilməsi şərtlərinə da diqqət yetirirlər. Çünki əksər şəxslər əmanət faizlərinə özünün stabil gəliri kimi yanaşaraq gəlirlərini və xərclərini hesablayan zaman nəzərə alırlar.

Bu məsələni araşdıran Banker.az oxucuları ilə həmin siyahını bölüşür.

Bir neçə il əvvələ qədər Banklarda təklif edilən əmanətlər üzrə faizlərin ödənilməsinin 2 əsas növü mövcud idi: aylıq əsasda və əmanət müddətinin sonunda. Məlumumuz üzrə son dövrlərdə Bank məhsullarının inkşafı istiqamətində yeni mərhələyə keçid baş verməkdədir. Banklar kredit və qeyri-kredit məhsullarını dizayn edərkən fokus qruplar arasında sorğu aparır və öz məhsullarını müştəri tələblərinə uyğun formada dizayn etməyə çalışırlar. Məhsulların inkşafı istiqamətində müsbətə doğru gedən dəyişikliklər əmanət məhsullarında da özünü biruzə verib.

Faizlərin qabaqcadan ödənilməsi şərtilə müştərilərə təklif edilən əmanətləri buna misal olaraq göstərə bilərik. Aydın məsələdir ki, bu növ əmanətlərdə cəlbetmə faiz dərəcəsi faizləri aylıq və müddətin sonunda ödənilən əmanətlərə nisbətdə daha aşağı olur. Lakin əmanətçilər nisbətən aşağı gəlirlilik fonunda əmanət üzrə hesablanacaq gəlirləri dərhal əldə etmək imkanı əldə edirlər. Sözü çox uzatmadan bu tip əmanətlərin təklif edildiyi Bankları və əmanət şərtlərini Sizlərə təqdim etmək istərdik.

Aşağıdakı cədvəl Siz oxuculara müvafiq məhsulu rahat şəkildə müqayisə etməyə imkan verəcək:

Bank	Əmanətin adı	Valyuta	Minimal məbləğ	Müddət	İllik faiz dərəcəsi
Amrahbank	“Avans” əmanəti	AZN / USD / EUR	1000 AZN / USD / EUR	12 ay	AZN – 11% USD – 3% EUR – 1.2%
Express Bank	“Əlavə Fürsət” əmanəti	AZN	500 AZN	12 ay	9%
Muğanbank	Avans	AZN / USD	1000 AZN / USD	12 ay	AZN – 12% USD – 3%
NBC Bank	Universal Depozit	AZN / USD /EUR	200 AZN / USD / EUR	12 ay / 24 ay / 36 ay	12 aylıq əmanətlər AZN – 11%, USD/EUR – 2.75% 24 aylıq əmanətlər AZN – 10.5%, USD/EUR – 2.50% 36 aylıq əmanətlər AZN – 10 %, USD/EUR – 2.25%
Rabitə Bank	Universal Depozit	AZN / USD	200 AZN / USD	6 ay / 12 ay / 24 ay	AZN valyutasında 6 aylıq – 1% 12 aylıq – 3% 24 aylıq – 2% USD valyutasında Hər 3 müddət üzrə – 0.5%
Unibank	Faizlər əvvəlcədən	AZN	500 AZN	12 ay	9%