Dünyanın ən böyük sement istehsalçılarından biri olan İsveçrənin “Holcim” şirkəti Rusiyadakı bölməsini yerli rəhbərliyə satdığını açıqlayıb. Mesajda qeyd edilir ki, yerli şirkət baş ofislə əlaqə saxlamadan fərqli brend altında çalışacaq və müstəqil şəkildə əməliyyatlar aparacaq.
Banker.az bu barədə “Kommersant”a istinadən xəbər verir.
Şirkət qeyd edir ki, sövdələşmənin “Holcim”ə ciddi maliyyə təsiri olmayacaq, çünki 2021-ci ildə Rusiya onun illik gəlirin 1%-dən az olan hissəsini təşkil edib.
İyul ayında “Holcim”in Rusiya bölməsi onun aktivlərinin zəbt edilməsi cəhdi barədə məlumat vermişdi. Onun sözlərinə görə, naməlum şəxslər “Holcim”in tərkibinə daxil olan hüquqi şəxslərin tərkibini dəyişdirmək üçün Federal Vergi Xidmətinə sənədlər təqdim ediblər.
