III Çarlz 600 milyon funt sterlinq (746 milyon dollar) şəxsi sərvəti ilə Böyük Britaniyanın 263-cü ən varlı adamı olub, bu barədə “The Sunday Times” qəzeti yazıb.
Banker.az bu barədə TASS-a istinadən xəbər verir.
Nəşrin xatırlatdığı kimi, bir il əvvəl vəfat etmiş kraliça II Elizabetin sərvəti 370 milyon funt sterlinq (indiki məzənnə ilə 460 milyon dollar) olaraq qiymətləndirilmişdi. “The Sunday Times” qeyd edir ki, III Çarlz belə yüksək pilləyə təkcə anasından aldığı miras sayəsində deyil, həm də Kornuol hersoqluğunun uğurlu idarəçiliyi sayəsində yüksəlib.
