Azərbaycanda fəaliyyət göstərən “Premium Bank” ASC-nin 2021-ci il üzrə gəlirləri azalıb, bəzi xərcləri isə artıb.
Banker.az bu barədə bankın ilin ilk rübü üzrə maliyyə hesabatına istinadən xəbər verir.
“Premium Bank”ın faiz gəlirlərinin həcmi 8.3 milyon manat olmaqla, öncəki ildən 6.2% az olmuşdur.
Faiz xərclərinin həcmi 4.98 milyon manat (+16%), qeyri-faiz gəlirlərinin həcmi 2.7 milyon manat (-40%) və qeyri-faiz xərclərinin həcmi isə 6.69 milyon manat (-12%) olmuşdur. Bununla da 0.66 milyon manat əməliyyat zərəri etmiş olub. Bankın mümkün zərərlər üçün yaradılan məqsədli ehtiyatlardan 6.01 milyon manat geri dönüş hesabına xalis mənfəəti 5.34 milyon manat olub.
Bu xalis mənfəətin ardından bölüşdürülməmiş mənfəətin həcmi 18.33 milyon manata yüksəlib. Kapitalın 154.6 milyon manatı səhm kapitalı olduğundan cəmi kapital 186.38 milyon manat olmuşdur.
