“Meta” bütün dünyada “Instagram”da kanal yaratma funksiyasını işə salır, Banker.az bu barədə VC.ru-ya istinadən xəbər verir. Yenilik ilk dəfə 2023-cü ilin fevralında təqdim edilib. Kanallar mətn mesajlarını, şəkilləri, sorğuları və reaksiyaları dəstəkləyir.
Qeyd edək ki, indiyə qədər kanal yaratmaq imkanı yalnız seçilmiş “Instagram” istifadəçiləri üçün əlçatan olub.
Kanallar funksiyasından istifadə etmək üçün “Şəxsi mesajlar” (Direct) bölməsinə daxil olmaq və təklif olunan kanallara qoşulmaq tələb olunur. “Instagram” əmin edir ki, bu təkliflər sizin marağınız, yaradıcılarla qarşılıqlı əlaqəniz və platformadakı fəaliyyətinizə əsaslanır.
