İran parlamenti HƏMAS lideri İsmayıl Haniyənin Tehranda öldürülməsi ilə bağlı fövqəladə iclas keçirəcək.
Bunu Parlamentin Milli Təhlükəsizlik üzrə Komissiyasının təmsilçisi İbrahim Rezai bildirib.
O deyib ki, toplantıda ölkənin təhlükəsizlik strukturlarının rəhbərləri də iştirak edəcək.
Bu arada, HƏMAS-ın siyasi şurasının üzvü Musa Əbu Mazruk bildirib ki, təmsil etdiyi təşkilat bu hadisəyə görə cavab tədbirlərinin müzakirəsinə başlayıb.
