Azərbaycan Mərkəzi Bankının İdarə Heyətinin pul siyasətinə həsr edilmiş ötən iclasından bəri illik inflyasiya tempi gözləniləndən daha sürətlə azalıb.
Bunu Banker.az Azərbaycan Mərkəzi Bankına istinadən xəbər verir.
2023-cü ilin noyabrında 12 aylıq inflyasiya 2.6% təşkil edib.
AMB bildirir ki, artıq 3-cü aydır ki, illik inflyasiya hədəf daxilində formalaşır.
Qeyd edək ki, Mərkəzi Bankın hədəf çərçivəsi 2%-6% arasındadır.
“Qiymətlərin aylıq dinamikasında da ötən illə müqayisədə azalma davam edir. Noyabrda deflyasiya müşahidə olunmuş, dövrə qeyri-xarakterik olaraq istehlakçı qiymətlər indeksi 0.2% azalıb”.
