Rusiyanın məşhur “Avito” elanlar saytında qəribə bir elan peyda olub. Moskva sakini futbol üzrə dünya çempionatının oyunlarından birində hansı yollasa əldə etdiyi dəsmalı 23 min 800 dollara (1 milyon 500 min rubla) satışa çıxarıb.
Banker.az Virtualaz.org istinadən xəbər verir ki, satıcının sözlərinə görə, həmin dəsmaldan Argentina və Fransa milli komandalarının oyunu vaxtı ulduz futbolçu Lionel Messi istifadə edib.
Onu da əlavə edək ki, arzu edənlər üçün cəmi 1 ədəd olan bu dəsmal kreditə də verilir.
