“Meta” şirkəti bu həftə yeni genişmiqyaslı ixtisarlar elan edəcək. “Bloomberg” agentliyi qeyd edir ki, hansı kadrların işdən çıxarılacağı barədə yekun qərar gecikdirilə bilər. “Meta” özü bu məlumatı şərh etməkdən imtina edib.
Banker.az bu barədə “Kommersant”a istinadən xəbər verir.
“Bloomberg”ə görə, hazırkı ixtisar mərhələsi zəif maliyyə göstəriciləri ilə əlaqələndirilir. Agentlik mənbələri bildirirlər ki, reklam gəlirlərinin azalması ilə üzləşən “Meta” rəhbərliyi iddialara görə direktorlardan və vitse-prezidentlərdən şirkətə zərər vermədən vidalaşa biləcəkləri işçilərin siyahısını tərtib etməyi xahiş edib.
Noyabr ayında “Meta” artıq xərcləri azaltmaq üçün 11 000 işçini ixtisar etdiyini elan etmişdi ki, bu da şirkətin tarixindəki ən böyük ixtisardır. Bununla yanaşı, şirkət rəhbərliyi 2023-cü ili səmərəlilik ili adlandırıb. “Meta”nın daha bir neçə min işçini ixtisar etmək niyyəti barədə daha əvvəl “Financial Times” yazıb.
