“Mitsubishi” Çinin Quancou şəhərində Yaponiyanın “GAC” şirkəti ilə birgə hazırladığı yeni “Airtrek” elektrik krossoverini təqdim edib.
Banker.az xəbər verir ki, avtomobil 184 at gücünə malik elektromühərriklə təchiz edilib. Verilən məlumata görə, krossover bir şarjla konfiqurasiyadan asılı olaraq 400 və 600 km məsafə qət edir.
Ölçü baxımından “Airtrek” yenilənmiş “Eclipse Cross” və yeni “Outlander” arasındadır: elektromobilin uzunluğu 4.63 m, təkərlər arası məsafə isə 2.83 m təşkil edir. Krossoverin əsasında “GEP” (GAC Electric Platform) platforması dayanır.
Xatırladaq ki, “Mitsubishi” şirkəti “Airtrek” adından daha əvvəl də istifadə edib – 2001-ci ildən 2008-ci ilədək Yaponiya bazarında bu ad altında birinci nəsil “Outlander” satılıb.
“Mitsubishi Airtrek”in istehsalı 2022-ci ildə başlayacaq. Satışların başladığı tarix və qiymətlər bir qədər sonra açıqlanacaq.
