“Moody’s Ratings” beynəlxalq reytinq agentliyi Azərbaycanın iqtisadi artım proqnozunu açıqlayıb.
Reytinq agentliyi 2026-cı ildə Azərbaycanın iqtisadi artımının təxminən 1,5%, ortamüddətli perspektivdə isə 2-2,5% olacağını proqnozlaşdırır.
Moody’s hesab edir ki, qeyri-neft sektorunun inkişafı, rəqəmsal infrastruktur layihələri, regional nəqliyyat əlaqələrinin genişlənməsi, eləcə də dövlət maliyyəsinin idarə olunması, bank sektorunun tənzimlənməsi və fiskal nəzarət sahələrində aparılan islahatlar iqtisadi artımı dəstəkləyəcək.
