10 oktyabr 2017-ci ildə Azərbaycan Banklar Assosiasiyasında (ABA) “Ödəniş sistemləri və Alternativ Xidmət Kanalları” üzrə Ekspert Qrupunun növbəti iclası keçirilib. İclasda sözügedən Ekspert Qrupunun sədri Məhəmməd Məmmədov və Qrupun üzvləri iştirak edib.
İclas zamanı Maliyyə Bazarlarına Nəzarət Palatası və Vergilər Nazirliyi ilə əldə edilmiş razılaşmaya əsasən MCC kodların siyahısının rüblük əsasda yenilənərək Nazirliyə ünvanlanması ilə əlaqədar məsələlər müzakirə olunub.
Xatırladaq ki, bankla prosessinq mərkəzi arasında razılaşmaya əsasən Mərkəz konkret MCC kodlar hər bir əməliyyat üzrə ödənişlər Visa, Mastercard tərəfindən müəyyən edilən kodlar üzərindən gedir. Bu kodlar MCC kodlar adlanır. Bu kodlarda nağdsız ödənişin hansı istiqamətlərdə edildiyi və ödənişin vergiyə cəlb olunub-olunmaması müəyyənləşir.
Qeyd edək ki, MMC kodlarının siyahısında dəyişiklik edilməyib.
