Bu ilin yanvar-sentyabr aylarında ABŞ dünya bazarlarına 86 milyard dollar dəyərində neft satıb. ABŞ Statistika Xidmətinin materiallarına görə, neft 2009-cu ildən bəri ilk dəfə olaraq ölkənin əsas ixrac məhsuluna çevrilib. İkinci yerdə neft məhsulları gəlir, onların tədarükü 19% azalaraq 83 milyard dollar təşkil edib.
Üçüncü yeri satışları 81 milyard dollara çatan təyyarələr tutub. Qaz dördüncü yerdə qərarlaşıb, onun tədarükünün dəyəri təxminən üçdə bir azalaraq 50 milyard dollara düşüb. Beşinci yerdə 48 milyard dollar satışla avtomobillər yer alıb.
2009-cu ildən 2021-ci ilə qədər ABŞ-ın ilk iki ixrac xətti təyyarə və neft məhsulları olub. Təyyarələr 2009-cu və 2010-cu illərdə liderlik edib. 2022-ci ildə neft ilk olaraq təyyarələri ikinci yerdən sıxışdırıb.
ABŞ Energetika Nazirliyinin məlumatına görə, sentyabrda ölkədə neft hasilatı 1.7% və ya sutkada 224 min barel (b/d) artaraq 13.24 milyon barel olub. Bu, ABŞ üçün mütləq aylıq rekorda çevrilib. 2022-ci ilin əvvəlindən ABŞ-da neft hasilatı sutkada 800 min barel artıb. Hazırda ölkə gündə təxminən 4 milyon barel neft ixrac edir ki, bu da Səudiyyə Ərəbistanı istisna olmaqla bütün OPEC+ üzvlərindən çoxdur.
