ICE qitələrarası birjada “Brent” markalı neftin bir barrelinin qiyməti 60 dollara qədər geriləyib.
Banker.az Bloomberg-ə istinadən xəbər verir ki, bu, son bir ildə minimum qiymətdir.
Belə ki, “Brent”in qiyməti sonuncu dəfə ötən ilin noyabrında 61 dollar/barreldən aşağı olub. Hazırda “Brent” neftinin bir barreli Londonun ICE birjasında 3% ucuzlaşmaqla 60,89 dollara satılır.
Eləcə də bax: Dünya 2014-cu ildəki “neft şokunun” təkrarlanmasına hazır olmalıdır -ŞƏRH
İqtisadçı-ekspert Rövşən Ağayev isə bildirir ki, neftin 55 dollara qədər ucuzlaşması nə ödəmələr balansı, nə də büdcə baxımından ciddi risk yaratmır.
“Bu qiymət səviyyəsində yalnız hökumətin Dövlət Neft Fonduna (ARDNF) gələn il üçün planladığı 3 mlrd. manata yaxın yığım mümkün olmaya bilər.” – deyə o neftin ucuzlaşmasına dair şərhində bildirirb.
