Azərbaycan Mərkəzi Bankı tərəfindən yenicə lisenziya əldə edən “Nova Credit Bank Olmayan Kredit Təşkilatı” MMC-nin nizamnamə kapitalı artırılaraq 1 milyon manata qaldırılıb.
Banker.az xəbər verir ki, BOKT-nin kapitalı 300 min manatdan 1 milyon manata qaldırılıb.
“Nova Credit BOKT” 2023-cü ilin mayında təsis edilib və ilk yaradılarkən 300 min manat nizamnamə kapitalı vardı.
Onun icraedici orqanın rəhbəri Həsən İsrafilzadə Fazil oğludur. BOKT-nin Müşahidə Şurasında sədr kimi Fazil İsrafilov Həsən Ağa oğlu, üzvlər isə Azər Süleymanlı Bəxtiyar oğlu və Kamran Abbasov Maarif oğludur.
