Bu ilin yanvar-mart ayında Azərbaycanda tikinti materiallarının istehsalı sahəsində istehsalın ümumi dəyəri 134.6 milyon manat olub.
Banker.az xəbər verir ki, Dövlət Statistika Komitəsindən verilən məlumata görə, tikinti materiallarının istehsalı əvvəlki ilin müvafiq dövrü ilə müqayisədə 10% artıb.
Belə ki, sementdən, süni daşdan və ya betondan tikinti blokları və kərpiclərinin istehsalı 50.4%, hörmə üçün hazır beton qarışığının istehsalı 43.5%, tikinti kərpicinin istehsalı 2.7% artıb, sementin istehsalı 8%, asfaltın istehsalı isə 83.7% azalıb.
