OPEC-in neft hasilatı son səkkiz ildə minimum səviyyəyə çatıb, bunun əsas səbəbi isə Səudiyyə Ərəbistanının neft istehsalını kəskin azaltması, ABŞ-ın İrana qarşı tətbiq etdiyi sanksiyalar və təşkilatın işində fasilələrin yaranması olub.
Banker.az xəbər verir ki, Reuters-in araşdırmasına görə, iyul ayında OPEC ölkələrinin neft hasilatı 29,42 milyon barel təşkil edib. Bu, iyun ayı ilə müqayisədə 280 min barel azdır.
Sorğu göstərir ki, Səudiyyə Ərəbistanı neft hasilatını OPEC + sazişində tərəflərin razılaşdırdığı səviyyədən daha çox azaltmağa davam edir.
OPEC tədarükünün azalmasına baxmayaraq, xam neftin qiyməti iqtisadi artımın yavaşaması ilə əlaqədar yaranmış narahatlıqlara görə aprel ayında 65,31 dollara qədər düşüb.
OPEC və kartelin üzvü olmayan ölkələr dekabr ayında tədarükü 1,2 milyon barelə qədər azaltmaq barədə razılığa gəliblər. İstehsalın ümumi azalmasında OPEC ölkələrinin payı gündə 800 min bareldir. Azalma İran, Liviya və Venesuelaya təsir etməyib.
İyul ayında OPEC-in 11 üzvü hasilatın 163% azalmasına nail olublar.
Enerji tədarükünün azalmasına görə Səudiyyə Ərəbistanı birinci yerdədir. Araşdırmalara görə, Səudiyyə Ərəbistanının neft hasilatı 9,65 milyon barel təşkil edib. Qeyd edək ki, kvota 10,311 milyon bareldir.
