“Oracle” şirkəti Rusiyada bütün əməliyyatları dayandırdığını açıqlayıb. Xatırladaq ki, korporasiya verilənlər bazası idarəçiliyi, müəssisə resurslarının planlaşdırılması, bulud proqram təminatı və server avadanlığı üçün sistemlər hazırlayır.
Banker.az xarici KİV-ə istinadən xəbər verir ki, şirkət 175 ölkədə 430 000 müştəriyə xidmət göstərir.
2018-ci ildə Rusiyanın dövlət şirkətləri və dövlət qurumları Amerikanın Oracle korporasiyasının məhsullarına lisenziya və texniki dəstək xidmətlərinə 13,3 milyard rubldan çox vəsait xərcləyib.
2020-ci ildə şirkətin Rusiya və MDB-də gəliri 6.3 milyard rubl təşkil edib ki, bu da 2019-cu illə müqayisədə 38.7% çoxdur.
