“PAŞA Həyat” ASC 2026-cı ilin birinci rübünü 15.12 mln. manat xalis mənfəətlə başa vurub. Halbuki, 2025-ci ilin eyni dövründə 14.76 milyon manat xalis mənfəət əldə olunmuşdu. Bu, ötən ilin eyni dövrü ilə müqayisədə 2.39% artım deməkdir.
Banker.az bunu həyat sığortaçısının hesabatına istinadən xəbər verir.
Hesabat dövründə şirkətin ümumi gəlirləri 160.91 mln. manat təşkil edib ki, bu da illik müqayisədə 24.47% artım göstərir. Əsas əməliyyat gəlirləri 182.09 mln. manata çataraq 12.36% yüksəlib. Eyni zamanda, xərclər 141.52 mln. manat olub və illik ifadədə 28.21% artıb. Əsas əməliyyat xərcləri 128.99 mln. manat təşkil edib ki, bu da 29.06% çoxdur. Nəticədə maliyyə mənfəəti 19.38 mln. manat səviyyəsində formalaşıb və bu göstərici illik müqayisədə 2.65% artıb.
“PAŞA Həyat”ın investisiya fəaliyyətindən əldə olunan gəlirlər 13.02 mln. manat olub və bu istiqamətdə 13.5% artım qeydə alınıb. Şirkətin investisiya portfeli isə 647.06 mln. manata enərək illik müqayisədə 3.27% azalıb. Portfel strukturunda dövlət istiqrazları 21.25% azalaraq 400.58 mln. manata düşüb, qeyri-dövlət istiqrazları isə 10.86% artaraq 60.73 mln. manata yüksəlib.
Depozitlər 174.48 mln. manata çatmaqla 84.66% artımla investisiya strukturunda əhəmiyyətli genişlənmə gostərib.
