Rusiya Federasiyası Prezidentinin mətbuat katibi Dmitri Peskov bildirib ki, taxıl sövdələşməsinə dair sazişlər bu gün faktiki olaraq dayandırılıb, Banker.az bu barədə xarici mediaya istinadən xəbər verir.
“Rusiya Federasiyası Prezidentinin daha əvvəl dediyi kimi, son tarix iyulun 17-dir. Təəssüf ki, bu Qara dəniz sazişinin Rusiyaya aid hissəsi hələ də həyata keçirilməyib. Buna görə də onun fəaliyyətinə xitam verilir”, – Peskov bildirib.
Eyni zamanda prezidentin mətbuat katibi vurğulayıb ki, Rusiya tərəfi öz şərtlərini yerinə yetirən kimi icraata qayıdacaq.
Rusiya qərarı ilə bağlı Türkiyə, Ukrayna və BMT-ni xəbərdar edib. Bu ölkələrin və təşkilatın iştirakı ilə 2022-ci ilin iyulunda iki sənəd – Ukraynanın üç limanından (Çernomorsk, Odessa və Yujnı) taxıl ixracı üçün dəhlizin yaradılması və taxılın ixracı qarşısındakı maneələrin aradan qaldırılması haqqında sənəd imzalanıb. Müqavilə bir neçə dəfə uzadılıb.
