Banker.az saytı Reuters agentliyinə istinadən xəbər verir ki, Səudiyyə Ərəbistanı və onun müttəfiqlərinin dünyanın nəhəng sıxılmış təbii qaz istehsalçısı Qətər ilə yaşadığı münaqişə dünya qaz bazarlarına məhsul təminatında baş verə biləcək mümkün axsamalar ehtimalı fonunda ciddi narahatlıq doğurub.
Qətərin qaz kəməri və sıxılmış təbii qazından ciddi şəkildə asılı olan Səudiyyə Ərəbistanı, BƏƏ və Misir Doha ilə bütün əlaqələrinin kəsilməsinə qərar verib.
Qətərin nəhəng müştəriləri olan Yaponiya və Hindistandan məhsul təminatının adi qaydada davam etdiriləcəyi ilə bağlı tez bir şəkildə təzminat alındı.
Lakin BƏƏ ilə diplomatik əlaqələrin kəsilməsi elan edildikdən bir neçə saat sonra Qətərə gələn və Qətərdən gedən gəmilərin hərəkətinə qadağa qoyuldu.
Bu qadağa Qətərin sıxılmış qaz daşıyan təqribən 6 gəmisinə şamil edilib və onların öz ünvanına çatıb-çatmadığı ilə bağlı heç bir məlumat yoxdur.
Bununla belə, yaranmış vəziyyətdən qorxuya düşən treyderlər Qətərdən BƏƏ-nə qaz çatdırılması ilə bağlı bütün mümkün nəticələri planlaşdırmağa başlayıblar.
Qətər qazının çatdırılmasında yaranan problem nəticəsində Misir və digər istehlakçılar xammal əvəzlənməsi üçün ABŞ, Əlcəzair və Nigeriyaya müraciət edə bilər.
