Qırğızıstan və Tacikistan arasında sərhəd boyunca mübahisəli ərazilərlə bağlı danışıqların növbəti mərhələsi keçirilib.
Bu barədə Qırğızıstan hökumətinin mətbuat xidməti məlumat yayıb.
Görüşün tam təfərrüatları açıqlanmasa da, qeyd olunub ki, tərəflər görüşün yekunlarına dair protokol imzalayıblar. Sənədin təfərrüatları açıqlanmır.
Həmçinin qeyd olunub ki, bu qəbildən olan növbəti görüş Qırğızıstan ərazisində baş tutacaq.
Xatırladaq ki, Qırğızıstanla Tacikistan arasında dövlət sərhədinin uzunluğu təqribən 980 km-dir və sərhədlərin delimitasiyası (dövlət sərhədinin keçidinin təsviri və xəritələşdirilməsi ilə müəyyən edilməsi) üzrə danışıqlar 2002-ci ilin dekabrından davam edir.
